Հիվանդությունները հոտ ունեն. ankakh.com

Յուրաքանչյուր հիվանդություն հոտ ունի, գրում է DailyMail-ը: Նման եզրահանգման են եկել գիտնականները` ուսումնասիրություններից հետո: Պարզվեց, որ  դիաբետը եղունգների լաքը մաքրող հեղուկի (ացետոնի) հոտ ունի, իսկ լյարդի անբավարարությունը` հում ձկան:

Միզուղիների վարակների դեպքում ամիակի, իսկ շիզոֆրենիայի դեպքում քրտինքը քացախի հոտ է ունենում: Իսկ դեղին տենդի դեպքում հում մսի հոտ է գալիս:

Այլ կերպ ասած, բժիշկները վստահեցնում են, որ հիվանդությունները կարելի է ախտորոշել հոտով: Եվ եթե անգամ այդ հոտերը հազիվ զգալի են մարդու հոտոտելիքի համար, ապա  էլեկտրոնային քիթն այն զգում է անսխալ:

Հետազոտողներն իրենց աշխատանքի մասին Sensors-ում  հրապարակել են մի հոդված: Հիվանդներից մեկը, օրինակ, ասում է, որ երբ ինքը  թոքերի քաղցկեղով հիվանդ էր` քայքայման հոտ էր զգում, իսկ երբ բուժվեց` հոտն էլ անհետացավ:

Բժիշկները հույս ունեն, որ հոտով ախտորոշումը հետագայում կարող է կիրառվել, ասենք, քաղցկեղի ախտորոշման նոր մեթոդների ստեղծման համար:

Հարցեր, պատասխաններ, մեկնաբանություններ